సమస్య మనది -- సలహా గీతది -- 14
సమస్య మనది -- సలహా గీతది -- 14 https://samsyamanadi-salahagitadi.blogspot.com/2025/12/14.html నేను కొత్తగా ఒక పరిశ్రమను ఏర్పాటుచేయ దలచుకొన్నాను. ఎన్నో ఆలోచనలు ఎన్నో భయాలు. అసలు మొదలు పెడదామా వద్దా అన్న సందేహాలు. ఎటూ తోచని స్థితి. ఏమి చేయవలెనన్నది నా ఆందోళన. సలహా : ‘శ్రేయాంసి బహువిఘ్నాని’ అన్నమాట సామాన్యముగా నీవు వినే ఉంటావు. ఆ వాక్యమును కలిగిన శ్లోకము యొక్క పూర్తి పాఠము ఇది. శ్రేయాంసి బహు విఘ్నాని భవంతి మహాతామపి అశ్రేయసి ప్రవృత్తానాం దూరం యాన్తి వినాయకాః మంచి వారు మంచి పనినే తలపెడుతారు. తలపెట్టిన పని మంచిదయితే దానికి ఆటంకాలు కోకొల్లలు. అదే దుష్టులు తలపెట్టే దుష్కార్యములు నిరాటంకముగా జరిగి పోతాయి. దుష్కార్యము తలపెట్టేవాడు దుష్టుడు కాక మరేమౌతాడు. నాటి కాలములో పల్లెటూరి వాతావరణము కలిగిన చలన చిత్రాలలో ANR లాంటి హీరోలు జనాన్ని కలుపుకొని తమ పొలాలకు నీరు వచ్చేలాగు కష్టపడి ఏర్పాటు చేసుకొంటే ఏ రౌడి రాజనాలో వచ్చి ఆ జలాశయానికి గండి కొడతాడు. కథ ఇక్కడ ఆపేద్దాము. ఒక మంచి పని చేయుటకు ఎంతోమంది చేయూతతోకూడిన ఎంతో కష్టము ఒక్కటయితే తప్ప నీటిని పొలాలకు ...